 |
|
SEIK haree makina ne’ebé uza produsaun masin iha Kompañia Balak Salt.
Foto_ (Rozer) |
Sekretáriu Estadu ba
Indústria no Kooperativa Nino Pereira ne’ebé akompaña husi Diretór-Jerál
Indústria no Kooperativa Leovigildo dos Santos, Xefe Gabinete Apolo Justino
França da Silva, Diretór Nasionál ba Indústria Transformadora António da Costa,
Diretór Nasionál ba Indústria Bein Konsumu Fernando Lobato, Diretór Nasionál ba
Peskiza no Dezenvolvimentu Jacinto Paijo, Diretór Ezekutivu Institutu ba Apoiu
Dezenvolvimentu Emprezariál Hernanino reprezentante UNDP hala’o enkontru ho
komunidade sira iha Manututu, Kuarta 14/08. Objetivu ekontru ne’e hodi halibur
hanoin no buka hatene problema ne’ebé durante ne’e empede implementasaun industria
masin Manatutu.
Iha ekontru ne’e SEIK
Nino ho Komitiva identifika problema ne’ebé durante ne’e demora industria
masin, maka hanesan presiza jeradór (eletrisidade), tempu la permite, no
orsamentu ne’ebé natoon.
Sekretáriu Estadu Nino
Pereira iha nia intervensaun hateten, prezensa komitiva ne’e hafanun komunidade
tomak atu hahu hadeer hodi dezenvolve parte ne’ebé importante ba ekonomia
nasionál. Tanba ne’e Ministériu Komérsiu Indústria no Ambiente liuhosi
Sekretária Estadu ba Indústria no
Kooperativa hakarak serbisu hamutuk ho setór privadu sira hodi harii hikas
indústria masin iha Manatuto.
“Atu
fanun malu, fo hanoin ba malu, para ita bele ona book an hodi dezenvolve parte
importante sira ba ekonomia nasionál”. SEIK Nino hateten. “Rekursu Naturál sira
nasaun ne’e iha, barak tebes maka ita aproveita. Ita labele depende de’it ba
reseita petrolifeira.”
SEIK Nino mós afirma,
Governu hatene problema sira ne’ebé setór privadu hasoru maibé presiza tuur
hamutuk atu buka solusaun. Tanba Governu lakohi la’o mesmesak hodi harii nasaun
ne’e, signifika entidade hotu tenke envolve iha prosesu dezenvolvimentu
nasionál.
Liutan, SEIK Nino hateten, Estudu Komparativu badak
ne’ebé Sekretária Estadu Indústria no Kooperativa hala’o iha Indonézia fó
referénsia natoon ba Governu atu dezenvolveIndústria masin iha Manatutu. Tanba
Indústria masin la’ós uza téknolojia ne’ebé mais difisíl – ezemplumaka hanesan
iha Sampang-Madura (Indonezia). Buat ne’ebé maka timoroan mós bele aplika iha
dezenvolvimentu industria iha Timor-leste liu-liu atu dezenvolve industria
masin. Maibé buat ne’ebé atu lori ema hotu ba realiza mehi
ruma maka tenke mantein komitmentu ba buat ne’ebé sai ona mehi. SEIK Nino husu
emprezáriu sira iha komimentu hodi implementa lalais indústria ne’e. Tanba Governu iha polítika atu
dezenvolve setór indústria tuir nesesidade povu nian.
“Ita
tenke ho asaun ida konkreta para hatudu ona responsabilidade. Importante mós
atu ita keta haluha koordena no komunika malu nafatin hodi produsaun masin ne’e
bele la’o di’ak.” Hateten tan. João Alves, emprezáriu
ne’ebé mós haksumik iha Kompañia Balak Salt, iha dialogu ho komunidade hateten,
Balak Salt dezeña ona indústria masin tuir sistema holístika (Imput – Process -
Output). Kompañia ne’e sei implementa modelu indústria hanesan Kompañia Masin
Surabaya (Indonézia). Kompañia sei la fó saláriu ba agrikultór masin sira maibé
kompañia sei halibur sira nia masin tuir presu estandarte ne’ebé aplika iha
negósiu ne’e.
“Sira
(komunidade) maka produs depois faan ba kompañia ho presu natoon, maibé
kompañia sei prepara kondisaun”. Alves hateten. Alves
iha enkontru afirma katak industria masin ne’e sei hahu ona mobiliza materiál
sira para implementa indústria ne’e iha fulan Agustu nia laran. Tanba ne’e nia
promete sei halo mobilizasaun makina operasionál hodi hahu kanaliza bee tasi
tama, no konstroe neneik infraestrutura (moru) ne’ebé nesesita. “Ita
prontu mobiliza makina sira para halo ona operasaun. Ha’u hatete de’it katak
bele hahu ona iha segunda ne’e”. Alves hateten tan.
Entretantu Administradór
Distritu Manatutu Aleixo Soares husu Governu halo intervensaun lalais ba Indústria
Masin.Tanba la iha intervensaun husi Governu indústria masin susar atu
implementa. Nia parte mós sei koopera ho Governu sentrál oinsá bele akompañia
prosesu implementasaun indústria masin refere.
“Governu tenke halo lalais intervesaun indireita ka
direita, liuhosi akordo ka regulamentu ba private investement ho kompañia tolu
ne’ebé parseiru ba implementa indústria masin ne’e.” Administradór hateten.
Hafoin remata, SEIK Nino hamutuk ho komitiva ba
haree direita kondisaun Kompañia Balak Salt iha tereinu. Biban ne’ebá, Governu
liuhosi Sekretária Estadu Indústria no Kooperativa observa ona problema sira
ne’ebé presiza iha solusaun.
