SEIC Iforma Resultadu Estudu Koperativu ba Embaxador TIMOR-LESTE ba RI

Sekretáriu Estadu Industria no Kooperativa hafoin vizita tiha komunidade peskadória no kooperativa Bening Food iha Bogor,  hasoru malu ho embaxadór Manuel Serrano iha Jakarta, Indonesia (25/07), hodi informa kona-ba rezultadu estudu komparativu iha Batam no Jakarta. 

Iha serumutu badak ne’e, SEIK Nino informa katak dutante vizita nia ekipa estudu komparativu la’o di’ak no hetan referénsia barak oinsá bele investe no dezenvolve setór industria no kooperativa iha área sira ne’ebé relavante tebtebes ho realidade iha Timor Lorosa’e. Maibé hanesan vizita ba Batam, SEIK informa ba Embaxadór katak Governu Lokál Batam hakarak hametin serbisu hamutuk  ne’e iha futuru maibé presiza asina nota atendimentu ida iha setór ne’ebé revalante, atu nune’e bele serbisu hamutuk ida ne’e bele la’o di’’ak no tranfere esperiénsia ba malu ho di’ak. 

SEIK Nino mós fo-hatene kona-ba vizita ba Bogor ne’ebé fó esperiénsia no referénsia di’ak iha setór kooperativa ba Timor-Leste. Tanba ne’e, SEIK fó hatene katak iha futuru Ministériu Komersiu Industria no Ambiente sei koordena ho Ministériu Agrikultura no Peska atu haree kona-ba kooperativa peskadória no haruka maluk timoroan sira bele mai aprende iha Indonesia espesiál iha Bogor, hodi hatene di’ak oinsá haki’ak ikan no bele hatene oinsá bele asesu merkadu. Informa tan katak, ba oin, Sekretaria Estadu Industria no Kooperativa sei hametin di’ak liu serbisu hamutuk ne’e liiuhsoi asina nota atendimentu ho asosiasaun relavante hodi asiste teknika ba timoroan sira iha futuru.

Embaxadór iha sorumutu badak hatan katak asuntu sira ne’e no saida maka Timor-Leste presiza iha setór industria no kooperativa ne’e, fo knaar de’it ba serbisu embaxada nian iha indonézia liuhosi adidu husi Ministériu nian hodi konsentra iha kordenasaun no komunikasaun. Tanba ne’e husu adidu sira atu sai nuudar parseiru kontaktu ne’ebé di’ak hodi hametin relasaun serbisu ne’e ho di’ak no metin liu tan iha futuru. Atu nune’e, Timor-Leste bele iha koñesimentu klean hodi harii no dezenvolve setór industria no kooperativa iha futuru, liu-liu buka atu haree investór husi nasaun indonezia iha futuru ba Timor-Leste.