SEIC visita ba Koperativa Merkadoria (KOPPAS BLOCK-A)

SEIK Nino ho nia ekipa estudu komparativu ne’e hakat liu ba kooperativa merkadória hodi haree no bele hetan referénsia husi sira iha setór kooperativa iha Timro-Leste. Iha vizita ne’e, Sekretáriu-Jerál Asosiasaun Negosiante iha Indonezia Ngadiran sai nuudar fonte iha referénsia ne’e liu husi dialogu ne’ebé planeia ona tuir ajenda.

Ngadiran iha nia aprezentasaun afirma, kooperativa merkadória hanesan instututu kooperativa ne’ebé harii atu halibur negosiante sira no bele hamutuk ho negosiante promove espíritu kooperativa. Ngadiran simu Sekretáriu Estadu Industria no Kooperativa Nino Pereira ho nia ekipa di’ak tebes. Iha mós aprezentasaun ne’ebé halo husi Ngadiran hanesan dalan hodi transfere esperiénsia ba Timor-Leste liuhosi ekipa estudu komparativu ne’e. 

Iha nia dezkursu, Ngadira hateten, matéria ne’ebé hato’o, espera katak bele sai hanesan referénsia natoon ba Timor-Leste hodi dezenvolve setór kooperativa. Tanba setór ida ne’e importante tebes. Setór kooperativa tenke dezenvolve mai husi inisiativa no atendimentu ne’ebé bele konvense membru no komunidade sira.   

SEIC foto hamutuk ho Jestor KOPPAS BLOCK-A

Sekretáriu Estadu iha momentu ne’ebá hateten, Timor-Leste nuudar nasaun ne’ebé foun ukun an no sei buka esforsu atu dezenvolve nia setór hotu. Tanba ne’e, Governu Timor-Leste iha V Governu konstitusionál iha estrututa ida ne’ebé soi kompeténsia atu tau atensaun maka’as ba setór kooperativa. Maibé rekursu umanu, infraestrutura, no finanseiru sempre sai bareira ba dezenvolvimentu kooperativa iha Timor-Leste. Tanba ne’e, ami hanoin katak, ho estudu komparativa ne’e hanesan alternativa atu dezenvolve setór kooperativa iha Timor-Leste. Bainhira ami fila husi estudu badak ne’e, ami sei lori referénsia ne’e hodi promove setór kooperativa iha Timor-Leste.